ကွန်ပျူတာတက္ကသိုလ်(မုံရွာ) နှင့် စစ်ကိုင်းတိုင်းဒေသကြီး၊ ပတ်ဝန်းကျင်ထိန်းသိမ်းရေးဦးစီးဌာနတို့ ပူးပေါင်းဆောင်ရွက်သည့် ပတ်ဝန်းကျင်ထိန်းသိမ်းရေးဆိုင်ရာ အသိပညာပေးဟောပြောပွဲအား (၁၈.၁.၂၀၂၄) ရက်နေ့တွင် ကွန်ပျူတာတက္ကသိုလ်(မုံရွာ) ဘွဲ့နှင်းသဘင်ခန်းမတွင် ကျင်းပပြုလုပ်ခဲ့ပါသည်။ ရှေးဦးစွာ ကွန်ပျူတာတက္ကသိုလ်(မုံရွာ)၊ ပါမောက္ခချုပ်မှ အဖွင့်အမှာစကားပြောကြားခဲ့ပြီး စစ်ကိုင်းတိုင်ဒေသကြီး၊ ပတ်ဝန်းကျင်ထိန်းသိမ်းရေးဦးစီးဌာန၊ ဦးစီးအရာရှိမှ “ရာသီဥတုပြောင်းလဲမှုလျှော့ချဖို့ ပတ်ဝန်းကျင်ကို ထိန်းသိမ်းစို့” ခေါင်းစဉ်ဖြင့်ဟောပြောဆွေးနွေးခဲ့ပါသည်။ ထို့နောက် တက်ရောက်လာသော ကျောင်းသား/သူ များမှပတ်ဝန်းကျင်ထိန်းသိမ်းရေးဆိုင်ရာ မေးခွန်းများကို ပါဝင်ဆွေးနွေးဖြေကြားခဲ့ပါသည်။
